Thursday, April 12, 2007

حديث الروح

دي تقدرو تقولو اغنية او قصيدة بس باللهجة العامية المهم دي
بهديها لنفسي ولكل واحد بيعمل خير والناس ترد عليه بقسوة وبشر
كل واحد بيحب يساعد والناس تشوف مساعدته انو عاوز يخدعهم ويضحك عليهم
سميتها حديث الروح :- النص
الدنيا كانت بين ايديك
وفجاءة راحت من عينيك
ولقيت الدنيا ليل
والنور مش جي عليك
ولوحدك قاعد تفكر
هو ليه الكل ظالمك
ده ذنبك انك حنين
وديما قاعد بتضحك
ومانع نزول دموعك
في أصعب وأقوى جروحك
ورافض انك تدافع
عن مشاعرك او حقوقك
وكاتم حتى صوتك
وقافل عليه في قلبك
ومين يقدّر شعورك
وانت حابسو جوه نفسك
ومين هيداوي جرحك
او حتى يساعدك في همك
لازم تثور عليهم
ويشوف الكل غضبك
وترجع تنادي عليهم
وتاخد حقك بكفك
او تفضل زي ما انت
مستحمل عايش لغيرك
تشيل همومو في قلبك
وهو ديما يعاتبك
واكيد هيجي يوم
تشوف الناس حقيقتك
ويعرف كل الي ظلمك
قد ايه غلط في حقك
وهيجي يقولك سامحني
من غير ما اقصد ظلمتك
وايدو الي جت وجرحت
هتجي تداوي جرحك

4 comments:

BoTaNesToKeeSoo said...

سلامو عليكو

الف مبروك يادوكتور على البلوجه

وربنا معانا اننا نلحق نقرا كل المواضيع دى

الدنيا كانت بين ايديك
وفجاءة راحت من عينيك


الجزء ده جه عندى عالجرح بس
المشكله ان اللى مسببه ناس متقدرش تقوللهم حتى سلامو عليكو اللهم اجعل كلامنا خفيف عليهم


احنا علطول بنسمع عن ابداعاتك بس اول مره نشوفها وبجد طلعت اكتر من روعه ربنا معاك

kingmody said...

وعليكم السلام

الله يبارك فيكي

ربنا معاكو بس اصل انا ما صدقت لقيت حتة احط فيها اشعاري

ربنا ميجبش جروح ولو فيه جروح ربنا يداويها

ده بس من زوقك اشكرك على اطرائك
بس انا بحب تقولو آرائكم بصراحة ولو فيه حاجة تنبهوني ليها ونتناقش عشان اطور من نفسي
وشكرا مرة تانية على مديحك ليا

WhItE HeArT said...

محمود انا لو قعدت اصقف من هنا لبكره مش هتتخيل اد ايه روعة اللي انته كاتبه بجد بجد وكمان بجد شيء جميل جدا جدا جدا جدا
وبتوصف حد مجروح قوي قوي قوي


ويعرف كل اللي ظلمك قد ايه غلط في حقك وهييجي يقول لك سامحني من غير مااقصد ظلمتك وبإيدو اللي جت وجرحت (( هتيجي تداوي جرحك)) دكتور دكتور دكتور بس مش في الطب في الحته اللي فاتت

محمود بجد انا طاير بالبوست ده السما

احلى بوستاتك واحلى حاجة كتبتها بالعامي بعد حديث بين حبيب وحبيبته
بعد ايه دي قبل كل حاجة


جميله جميله جميله من هنا لبكره جميله ولو حد طلعلك فيها نقد واحد بصوابعك في عنيه على طول وقول له محمد قال لي اعمل كده

ميرسي اوي يامحمود على البوست ده

kingmody said...

محمد شكرا على كل المدح ده وهبدل البيت الاخير عشان خاطرك يا استاذ انت تؤمر بس واحنا ننفذ
وصحيح فكرتني بحديث بين حبيب وحبيبته
ابقى انزلو