حزن نفسي
رجعت أبكي الى داري ××× وعزة النفس تردعني وتنهاني
عن البكاء ونشر آلامي ××× فكتمت في نفسي همي وأحزاني
فبكى قلبي بدمع من دمائي ××× شعرت به في وريدي وشرياني
فأغلقت بابي ونور مصباحي ××× وجلست وحيدا بين جدراني
ودار بخلدي كل أصحابي ××× وصديق طالما كان ينعاني
ذهب الصيق ومعه آمالي ××× وجاء همي وما أعاني
لمّا سمعت صوت اخواني ××× ابتسم ثغري وقلبي يعاني
تمنيت السعادة في حياتي ××× وما تحققت تلك الاماني
وهذا يوم كباقي أيامي ××× فلابد لي من النسياني
فهذا هو دواء حالي ××× كي أشعر انني انساني
8 comments:
جميل بجد الشعر ده يامحمود وبجد اجمل حته فيها واللي حاسس انا بيها
ودار بخلدي كل اصحابي وصديق طالما كان ينعاني
بس انا لو مكانك كنت كتبت بعدها
ذهب الصديق ومعه امالي وجاء همي وهوه جفاني
بجد الشعر ده جميل يامحمود وبيوصل حالتك فعلا :)
وهو جفاني ؟!!!! اولا مش جاية على الوزن وثانيا متهيأليش انو جفاني :(
وهو فعلا انا بوصف بيه نفسي :)
رثاء نفسك
ايه اللى مزعلك من نفسك اوى كدا يا دوك
ازيك اولن
والله منور بجد يا محمود
وشعرك كله توحفه وجامد
بص يا بنى انا مع انى مشفتكش بس بحترمك جدن
ودا اتاكدلى كمان بعد ما قريت حجات من كلامك
اما بقى بالنسبة للبوست دا
عجبنى جدن
بس حسيت فيه انك زعلان اوى
ليه؟؟
ساعات كتير الناس بتفكر ان الدموع ضعف ولكن على العكس يا محمود كتير الدموع بتريح
واكيد انت عارف الكلام دا
يعنى ملهاش علاقة اوى بعزة النفس
وبلاش تكتم فى نفسك يا دوك حاول تفضفض ويستحسن لو كانت الفضفضة دى مع ربنا هترتاح اوى
اما بقى الامانى وتحقيقها
لسا العمر ادامك ان شاء الله طويل وانت تستاهل كل خير وربنا هيوفقك وهتكون حد جامد اوى ان شاء الله
والسعاده هتيجى هتيجى
اما بقى موضوع النسيان دا اريح حاجه فى الحياة وزى ماقلت كى اشعر اننى انسانى
بس كلامك حلو اوى واحساسك واصل جدن
كان فى بقى سؤال هو الدمع كان من انهى شريان ووريد بالظبط؟
بلاش يكون الاورطى
واخد بالك
ربنا يوفقك ونشوف منك ابداعات كتير
وهرد لك على البوستات التانية بس بالراحه علينا وحده وحده
تقبل تحياتى وسلم لى على نها وعرفها اننا زعلانين منها
سلاموتو
محمود ياحبيبي انا بتكلم عن نفسي لو مكانك وبعدين شيء طبيعي انها مش على الوزن لإني هبعتها رساله لواحد صاحبي جفاني والحمد الله مااكتر الاصحاب اللي بينسونا طبعا انته مش منهم
والواحد مش عارف يامحمود لو كتب شعر عن الصداقه ممكن يعمل ايه
انته عارف يامحمود انا كاتب شعر وفاة صديق وجرح صديق ونحيب قلوب و........ بس والله الحاجات دي بفضل ابكي انا لوحدي لما اقراها عن اني ابكي الناس معايا ملهمش ذنب علشان كده اختارت تبأه البلوجايه الحياة بأه لونها بمبي وفرحه وبرضه بييجي جواها حزن مش عارف ليه علشان كده بحاول احلى الجو قبل الشعر شوية واضحك اي واحد بيقرا لإني عارف اني اي شعر بكتبه بيتخلله هم ونكد وغم وتقريبا دي بقت طبيعه جوانا منكتبش الا النكد
وبجد يامحمود انا الشعر اللي باديء فيها حاليا ومش عارف هنزله على البوست ازاي بس هنزله ان شاء الله قريب اسمها اخر وداع بحكي فيه قصة حبيبه بتبين لحبيبها اد ايه حبها ليه وهيه بتموت
والله يامحمود انا مبكتبش فيه بيت غير لما بعيط ييجي ربع ساعه وساعات ببأه همسك الورقه وااقطعها
بس بتصعب عليا نفسي
المهم انا مش جاي علشان اقول لك احزاني انا عاوز اقول لك ياريت بجد يامحمود لو تكتب لنا شعر على امتنا وحالها لإن انته بتبدع بجد بجد في المجال ده
اسيبك على خير
سلام
اولا ردا على ازيك يا دوك اقول الحمدلله ثانيا الي مزعلني حاجات ياماااااا ياما
ده نورك الي نور البلوجاية بتاعتي
ده بس من زوقك
احترام متبادل والله وان شاء الله نتثابل ورب صدفة خير من الف ميعاد
زي ما قلتلك زعلان من حاجات كتير المشكلة ان كل المشاكل بتيجي فوق راسك لوحدك ومش لاقية حد معاكي ومطالبة انك تحليها ويوم ما تيجي تحليها تتقلب فوق راسك مرة تانية
الصراحة من غير كذب انا من الناس الي بتقول ان الدموع ضعف عارف انها بتريح بس مش بحب اكون ضعيف (عارف بتقولي عليا ايه بس معلش معقد بقة )حكاية الكتمان والله لما الواحد يلاقي الي يفضفضلو هيفضفض بس زي منا قلت ذهب " ذهب الصديق " آمين يارب يسمع منك ربنا
طبعا النسيان ده نعمة من ربنا علينا
لا الوريد الاجوف العلوي و ال radial A.
حاضر انا كل ده كنت بنزل القديم مش الجديد هستنى شوية عقبال ما انزل الباقي حاضر
حاضر هسلم على نهى واقولها
بالنسبة ليك بقة يا محمد يا حبيبي
والله انا مالاقي صحاب زيك انت وشريف
فمتاخدش في بالك ومفيش حاجة تستاهل دمعة من عينك يا محمد ونزل الي انت كاتبو وريني اخر اعمالك وبعدين عاوز اشوف كآبة انت عارفني
مهما كان اللى مزعلك
متخليهوش يسيطر عليك يا دوك
وشد حيلك وراك حجات كتير
وكفاية عليك سنة اولى وقرفها
لكن انت ادها اكيد
ربنا يكرمك
اما بقى موضوع الاصحاب
صعب تلاقى ومتحاولش تفتكر انك ممكن تلاقى زى محمد وشرى دول بجد ميتعوضوش
وخاصتن اخويا كوسة بقى
وحاول تتعرف على ناس كتير وتقضى معاهم وقت حلو مش شرط يكونو صحابك
لان محدش بيعرف يعيش لوحده
لكن حاول تتعايش انا بقالى خمس سنين بعمل كدا
لان صحبتى الانتيم فى صيدلة بس والله بتعدى
وربنا يخليكم لبعض
يلا سلاموتو
منا بحاول والله اخليه ميسيطرش عليا
والحرب قائمة بيني وبين حزني سعات اكسب وساعات يكسب :)
اما حكاية الاصحاب فانا فعلا مش بدور عشان مش هلاقي بس الواحد بيحاول يتأقلم :)
اما حكاية سنة اولى فربنا معانا يارب
وان شاء الله انت وانتيمتك هتفضلو مع بعض على طول
سلامتو على رايك
Post a Comment